[潮流飲食系列] 姐係咁，係2015年8月既香港,未食過醬油蟹既又講唔過去既! 越黎越多醬油蟹，就黎...

[潮流飲食系列] 姐係咁，係2015年8月既香港,未食過醬油蟹既又講唔過去既! 越黎越多醬油蟹，就黎街邊個靚姐都會用唔咸唔淡既廣東話係度大叫，「巧令既贊油蟹呀！」咁潮既我點可以唔去食先！(無錯！我行慢左幾個月，不過遲到好過無到啦！)
千挑萬選，我既第一次就獻俾韓流村啦！不過講真，呢間野真係有小小串，訂位又難，又只係食得個半鐘，食得蟹黎又燒唔切，去之前真係要練下極速食飯！
呢度既蟹係要訂既(記住穩陣d訂位既時候要訂埋呀，唔係有位又無蟹，就真係笑死朕！) 好啦！我難得準時到，點知都要等！Anyway，入到去，我要蟹呀！！！講真，d蟹其實個size都係可以，起碼唔細隻囉，但絕對可以大d囉！不過$298有兩隻，又係抵既！不過個焦點就瞬間俾個紫菜飯球吸引住！(講明先呀！我平時無咁花心咖！)
開動！！打開個蟹蓋，d橙色既蟹膏好似要湧出黎咁呀！將個紫菜球飯放落蟹蓋，加小小醬油，撈埋個蟹膏！無敵呀！個飯中和返d醬油既咸味，食落都無咁口乾啦！d生既蟹肉好鮮甜，都好彩無俾醬油蓋過個鮮味！唔係就嘥哂！個醬油最正係有小小微辣又唔太咸！不過記住要同飯一齊食呀，唔係就好快會game over!
如果嫌唔夠喉，可以試埋個醬油蝦！都係要訂咖！個蝦肉係爽既，但係又好似無醬油蟹咁好食！如果你兩樣都叫，就提議你食左蝦先到蟹喇！唔係。。。你明既！
俾多個貼士你！記住帶把今期至潮既芭蕉扇去喇，唔係既，咪唯有出賣下唔怕熱既朋友去等位，唔係？係街等位熱到俾條醬油青瓜你都食唔落呀！
韓流村
尖沙咀漆咸道南53-55號嘉芙中心地庫

---